Fantasy TopSporti
Të gjitha lajmet
Tabelat dhe Rezultatet

TREPÇA - PRIZRENI

Fells shkëlqen për fitoren e 10 të Prizrenit

TOPSPORTI / Arian Paçarizi

Fells shkëlqen për fitoren e 10 të Prizrenit


16 January, 2022 @21:00

Ndeshja e fundit e xhiros së 16 në Superligës, i takoi Prizrenit.

Skuadra e Prizrenit e mposhti Trepçën në “Minatori” me rezultat 80-94.

Prizreni që në çerekun e parë krijoi epërsi dyshifrore ndaj kundërshtarit (17-29), derisa pjesa e parë përfundoi me rezultat 39-48.

Skuadra mitrovicase e ngushtoi epërsinë në çerekun e tretë 59-64, por në çerekun e fundit, djelmoshat e trajnerit Arbnor Rifati e kontrolluan ndeshjen dhe arritën fitoren e 10 të stinorit.

Courtney Fells shkëlqeu me 31 pikë, 14 kërcime, 3 asistime e 2 topa të rrëmbyer, derisa u ndihmua edhe nga Arti Hajdari me 23 pikë dhe nga përforcimi i ri Jordan Lyons me 18 pikë të tjera.

Te Trepça po vazhdon forma e mirë e Ty Cockfield. Ai luajti me 18 pikë, derisa kjo ishte ndeshja e 16 e tij rresht që po luan me pikë dyshifrore.

TABELA AKTUALE

Prizreni me një ndeshje më pak gjendet në pozitën e katërt me 10 fitore e 5 humbje, kurse Trepça me 10 fitore e 6 humbje gjendet në pozitën e tretë në Superligë.


 
Të gjitha lajmet nga FBK Superliga