DRAGAN RADOVIC
Finalja e dytë rresht, tash kundërshtar ish skuadra!
7 February, 2021 @8:40
Emocionet e finales së sotme të Kupës së Kosovës janë të njohura për trajnerin malazias Dragan Radovic.
Ai do ta shijojë këtë emocion për herë të dytë rresht, por kësaj radhe skuadrën që e kishte çuar vjet në finale sonte do ta ketë përballë.
Radovic, tani kryetrajneri i Sigal Prishtinës, do të luajë finalen kundër Golden Eagle Yllit, me të cilën kishte arritur në finale vitin e kaluar.
Ai në atë ndeshje ishte mposhtur nga Peja dhe e kishte humbur mundësinë për ta fituar Kupën me Yllin.
▶️Kujto finalen e vitit të kaluar
Kësaj radhe dikush do ta thyej akullin! Ose “Prle” do të shpallet fitues i Kupës me Sigal Prishtinën, ose Golden Eagle Ylli do ta fitojë Kupën e parë në historinë.
E gjitha mbetet të shihet sot nga ora 17:30 në ndeshjen që do të luhet në Suharekë.