Fitore me përmbysje, Barcelona thyen mallkimin ‘Anoeta’

Pas fitores vitin e kaluar në kuadër të ‘Copa Del Rey’, Barcelona e ka thyer mallkimin ‘Anoeta’ edhe në La Liga.

Që nga maji i vitit 2007, Barcelona nuk kishte shënuar fitore në La Liga në stadiumin ku si vendase luan skuadra e Sociedadit, ndërsa ky mallkim përfundoi sonte, me takimin mes skuadrave që u mbyll me rezultatin përfundimtar 2-4.

Barcelona ishte në disavantazh 2-0, mirëpo me golat e Paulinho, Suarezit (2) dhe Messit gjithçka u përmbys dhe Barcelona arkëtoi 3 pikët e radhës.

TABELA AKTUALE LA LIGA

Duhet përmendur që në minutën e 79’ të ndeshjes për Sociedadin u inkuadrua edhe Adnan Januzaj, inkuadrimi i të cilit nuk dha efekt në rezultatin e ndeshjes.

Kjo fitore e mban të qetë në krye Barcelonën, derisa Sociedadi momentalisht ndodhet në vendin e 15.