Flamur Bajrami vendimtar, 2 Korriku mposhtë Vitinë

Falë një goli të shënuar në pjesën e dytë, 2 Korriku është kthyer me pikë të plota nga udhëtimi në Viti.

Skuadra prishtinase e mposhti 0-1 Vitinë, e vendimtar në këtë fitore ishte futbollisti Flamur Bajrami, i cili realizoi në minutën e 76’ të ndeshjes.

TABELA AKTUALE

Kjo fitore bën që 2 Korriku të jetë tri pikë larg liderit të Grupit B në Ligën e Parë, kurse Vitia e rrezikon seriozisht rënien në Ligën e Dytë.

Xhiron e ardhshme, Vitia luan si mysafire e Ferizajit, kurse 2 Korriku e pret në shtëpi Kikën nga Hogoshti.