ATLETICO MADRID - CELTA VIGO
Fund i lumtur për Atleticon
12 February, 2017 @22:55
Katër minutat e fundit të pjesës së rregullt të ndeshjes, i kanë dhënë jetë Atletico Madridit, i cili arriti t’i shmanget humbjes në shtëpi ndaj Celta Vigos.
Mysafirët kaluan herët në epërsi me anë të argjentinasit Gustavo Cabral, por kundërpërgjigja erdhi shpejt nga Fernando Torres i cili shënoi njërin prej golave më të bukura të stinorit.
Në minutën 78’ Celta Vigo kaloi edhe një herë në epërsi me golin e Guidettit, derisa në momentet më kritike shpërthyen Yannick Carrasco dhe Antoine Griezmann, që e bënë të pamundurën për ta siguruar fitoren Atleticos.
Pas kësaj fitoreje, Atletico renditet në pozitën e katërt me 42 pikë, derisa Celta Vigo mbetet në 30 pikë dhe renditet në pozitën e dhjetë.
