SHQIP NË BOTË
Gashi kundër Drogbas!
29 April, 2016 @20:04
Shkëlzen Gashi nesër do të ketë një ndeshje shumë të vështirë dhe të rëndësishme me skuadrën e tij Colorado Rapids.
Skuadra e Gashit do të përballet me njërën prej skuadrave më të forta në MLS, Montreal Impact, pjesë e së cilës është edhe sulmuesi i njohur afrikan, Dider Drogba.
Drogba, sikurse edhe Gashi, deri më tani kanë shënuar vetëm nga një gol për skuadrat e tyre dhe kjo ndeshje do të jetë një tjetër rast për ta rritur numrin e golave të tyre.
Skuadra e Gashit ka seri pozitive prej tre fitoreve rresht dhe nëpërmjet një postimi në Twitter, Gashi ka shprehur dëshirën për ta vazhduar këtë seri edhe më tej.
Ndeshja Montreal Impact - Colorado Rapids luhet nesër nga ora 22:00.
What a game coming up! @impactmontreal vs. @ColoradoRapids !Want to continue the positive Rapids season! @MLS #Gashi pic.twitter.com/tV7IFsZKwX
— Shkelzen Gashi (@s_gashi11) April 29, 2016
