Fantasy TopSporti
Të gjitha lajmet
Tabelat dhe Rezultatet

MESAZHI I GIRESSE

Giresse: Lojtarët që s’luajtën sonte, luajnë ndaj Zvicrës

Giresse: Lojtarët që s’luajtën sonte, luajnë ndaj Zvicrës


24 March, 2022 @22:42

Përzgjedhësi i ri i Kosovës, Alain Giresse, ka qenë tejet i kënaqur me fitoren e thellë dhe lojën bindëse të Kosovës ndaj Burkina Fasos sonte në Prishtinë, ku Dardanët fituan 5-0.

Në konferencën për shtyp pas ndeshjes ai ka thënë se shënimi i golave është me rëndësi, ndërsa është munduar t’i japë hapësirë secilit lojtar.

“Gjithmonë është i rëndësishëm një fillim i këtillë. Loja dhe cilësia që treguan futbollistët bashkë me shënimin e golave janë me rëndësi,” ka thënë ai fillimisht.

“Kam dashur t’i jap hapësirë secilit, pjesa tjetër e lojtarëve që s’luajtën sonte do të luajnë ndaj Zvicrës dhe dua që secili të tregoj cilësitë e tij. Fitorja padyshim që është me rëndësi, edhe pse miqësore,” ka shtuar ndër të tjera Giresse.

Ai më tej ka folur edhe për Lumbardh Dellovën që vjen nga Superliga e Kosovës, duke thënë se shpreson që të motivohen edhe lojtarët tjerë të Kosovës për të treguar veten më tej…

Pas 5 ditës, Kosova mysafire e Zvicrës në Zurich, më 29 mars.


 
Të gjitha lajmet nga Kosova