Gjeraj parashikon fitore

Nesër me fillim prej orës 15 Liria do të jetë nikoqire e Istogut në “Përparim Thaqi” të Prizrenit.

Bardhezinjtë që aktualisht janë jashtë rrezikut nga barazhi, por në çdo moment mund të futen në atë zonë janë të vetëdijshëm për rrezikun.

“S’ka alternativë tjetër pos fitores. Ate do ta arrijmë me angazhim që nga minuta e parë e ndeshjes. Ne jemi të vetëdijshëm për rëndësinë e ndeshjes, prandaj nuk do të shpërqëndrohemi për asnjë moment. E respektojmë Istogun, por fitorja është e jona,” ka thënë Gjeraj për faqen zyrtare të Lirisë sot.

Në xhiron e kaluar Liria ka nxjerrë pikë në Vushtrri duke barazuar 0-0, ndërsa Istogu ka shtuar gjasat për mbijetesë duke e mposhtur ndjekësin e liderit, Hajvalinë, 1-0 në “Demush Mavraj” me golin e realizuar në minutat shtesë të ndeshjes.