Goli i Armendit, goli i javës në Ligën e Konferencës

Futbollisti i Ballkanit Armend Thaqi me golin e tij të shënuar mbrëmë ndaj Sivassporit ka fituar çmimin e golit më të mirë të javës në Ligën e Konferencës, ka bërë të ditur UEFA në faqen zyrtare të saj.

Në mesin e katër kandidatëve, goli i kapitenit të Ballkanit, që ndezi më pas ekipin, ka fituar më së shumti vota nga përdoruesit online të web-faqes së UEFA-së për të fituar garën.

Kjo është hera e parë që një futbollist nga Kosova fiton këtë çmim, aq më shumë edhe për tu theksuar, kur dihet se Armendi është mbrojtës i krahut të djathtë.