RRON GRAPCI
Grapci: Mungesat vendosën
26 February, 2020 @12:10
Basketbollisti i Pejës, Rron Grapci, që dje pati 13 minuta e 40 sekonda lojë për ekipin e tij në humbje ndaj Vllaznisë, ka thënë se mungesat ndikuan në rezultatin e lojës në përballje ndaj ekipit shkodran.
Në deklaratën e tij për faqen zyrtare të BIBL, Grapci ka bërë të ditur se në këto ndeshje duhet të përmirësohet edhe më, mbrojtja.
“Ka qenë ndeshje e vështirë. Ne luajtëm pa Dardan Berishën dhe Drilon Hajrizin dhe kemi pritur një ndeshje të vështirë. Mendoj se duhet ta përmirësojmë mbrojtjen dhe do të jemi edhe më të mirë në ndeshjet e radhës,” ka thënë ai.
Peja që u mposht në Qazim Dervishi të Shkodrës 78-62 nga Vllaznia, tash ka bilans 5-4 në BIBL dhe gjendet në pozitën e dytë. Duelin e radhës në këtë ligë e ka ndaj Rahovecit që luhet më 4 mars.