Hajvalia debuton me barazim

Skuadra kampione e Kosovës në konkurrencën e femrave në futboll, Hajvalia, ka debutuar suksesshëm në arenën ndërkombëtare.

Vashat e Hajvalisë sot kanë arritur të nxjerrin një pikë ndaj skuadrës greke, PAOK, duke barazuar me rezultat 1-1, në kuadër të kualifikimeve për Ligën e Kampionëve.

Talentja 19 vjeçare, Zelfie Bajramaj, e kaloi në epërsi Hajvalinë në minutën 15’, duke e lënë në befasi skuadrën vendase, e cila megjithatë arriti të këndellet për ta barazuar rezultatin në minutën 57’.

Ndeshjen e radhës Hajvalia do ta luajë pas dy ditësh ndaj skuadrës qipriote, Apollon Limassol.