KISHNICË
Hajvalia mposht Vëllaznimin, që pret barazhin
31 May, 2015 @18:09
Hajvalia është këndellur në pjesë të dytë të ndeshjes për të shënuar dy herë në portën e kuqezinjëve të Gjakovës dhe për të shënuar fitore me rezultat 2-0.
Me këtë fitore, Hajvalia ka marrë tre pikë të radhës në Superligë, derisa Vëllaznimi, që tashmë do të luajë ndeshje Play-Outi për të kërkuar mbijetesën nuk kishte çka të kërkonte më shumë në këtë ndeshje, pasi që nuk kishte shpëtim nga ikja prej zonës së barazhit.
Genc Hamiti dhe Mërgim Pefqeli shënuan për ekipin nga Kishnica në fitore që çon ekipin e tyre në 2 pikë afër Prishtinës dhe në luftë për përfundim të stinorit në pozitë të tretë.
