Happy Mashau ndahet me ‘89-shin, ka oferta tjera

Futbollisti afrikan, Happy Takalani Mashau, ka ndarë rrugët me Trepçën’89.

Futbollisti nga Afrika Jugore, i lindur në Kriel, Mpumalanga, që ka luajtur si qendërbrojtës te ekipi mitrovicas ka bërë të ditur për TopSporti.com se kontratës së tij i ka ardhur fundi dhe tash e tutje është lojtar i lirë.

Ai është i gatshëm të pranojë oferta nga klubet kosovare, edhe pse ka bërë të ditur se ka pranuar oferta nga disa skuadra të rajonit.

Jugafrikani 28 vjeçar ka zhvilluar 30 ndeshje me Trepçën’89 këtë stinor në të gjitha garat, ndërsa klubi ka humbur statusin elitar, pasi që humbi ndeshjen e barazhit nga Dukagjini.

Në Transfermarkt, Mashau llogaritet të ketë vlerën rreth 50 mijë euro. Ndërsa tash është lojtar i lirë dhe mund të shkojë kudo pa dëmshpërblim, pasi që nuk ka vazhduar kontratën me klubin mitrovicas.