Hasan Hyseni rikthehet nga lëndimi

Futbollisti i Prishtinës Hasan Hyseni që ishte lënduar më 14 shtator në ndeshje ndaj ish-ekipit të tij Malisheva, i është rikthyer stërvitjeve të plota me ekipin bardhekaltër nga kryeqyteti.

Prishtina ka bërë të ditur lajmin e gëzueshëm dhe tashmë trajneri Ismet Munishi do ta ketë në dispozicion lojtarin për ndeshjet e ardhshme.

Prishtina në 16 ndeshjet e zhvilluara të kampionatit renditet e katërta në tabelë me 23 pikë të fituara. Liderja Drita me 17 ndeshje ka 35 pikë.