Hendrix i kthehet Maqedonisë

Përkundër paralajmërimeve se nuk do të jetë pjesë e reprezentacionit në ndeshjet e para kualifikuese në Eurobasket 2021, Richard Hendrix, pritet të arrijë sot në Shkup dhe t’i bashkangjitet ekipit të drejtuar nga Jordancho Davitkov.

Federata e këtij vendi ka konfirmuar se bileta e lojtarit është paguar dhe ai pritet të arrijë sone në Shkup, ku do t’i bashkohet ekipit dhe pritet të jetë i gatshëm për përballje ndaj Kosovës më 13 shtator në Prishtinë.

ORARI I NDESHJEVE dhe TABELA

Kosova ka Maqedoninë rivale të parë në fazën parakualifikuese për Eurobasket 2021.

Hendrix përndryshe është lojtar i Le Mansit në Francë, 31 vjeç dhe 203 centimetra i gjatë. Ai më parë ka qenë pjesë e Galatasarayit, Gran Canarias dhe Maccabi Tel Avivit.