E PAIMAGJINUESHME
Historia quhet Kukësi
25 July, 2013 @23:09
Skuadra e Kukësit ka arritur të rishkruajë historinë e skudrave shqiptare, duke u bërë e para që arrin fazën e fundit kualifikuese të Europa League.
Me barazimin e sontëm në Sarajevë, kukësianët e udhëhequr nga tekniku Armando Cungu kanë arritur të kualifikohen në xhiron e tretë kualifikuese të Europa Leauge, duke eliminuar boshnjakët favorit. Rasti më i mirë për Sarajevën, penalltia e minutës së 68-të u mbrojt nga portieri vlonjat i Kukësit, Argjent Halilaj.
Ndeshja ka kaluar në dominim të boshnjakëve plotësisht në pjesën e parë që kërkonin golin, pasi që ndeshjen e parë e humbën në Qemal Stafë 3-2. Në pjesën e dytë detyrat e futbollistëve të Kukësit vëreheshin qartë. Mbanin larg portës kundërshtarët, ndërsa kosovari Yll Hoxha dhe Gerard Progni kishin detyra që të mbanin topin dhe të rrezikonin vetë nëse munden. Ferri boshnjak kaloi dhe tash Kukësi pret kundërshtarin e radhës Metalurg Dontetsk në Europa League pasi eliminoi Flora Tallinin e Estonisë në xhiron e parë dhe Sarajevën e Bosnjes në të dytën.
Edhe futbollistët kukësian, sikurse ata të Skënderbeut do t’i ndajnë 100 mijë euro premi të premtuara nga kryetari i klubit pas kualifikimit historik për futbollin shqiptar.
EUROPA LEAGUE, Sonte:
| Sarajevo-Kukësi | 0-0 (2-3) Rezultati i përgjithshëm | Kukësi kualifikohet në xhiron e tretë të kualifikimeve në Europa Leauge |
