Fantasy TopSporti
Të gjitha lajmet
Tabelat dhe Rezultatet

ATALANTA - UNITED

I zakonshmi Ronaldo, United përsëri shpëton në fund

I zakonshmi Ronaldo, United përsëri shpëton në fund


2 November, 2021 @23:02

36 vjeçar, por prapë mbetet Cristiano Ronaldo!

Portugezi vazhdon ta shpëtojë Unitedin në fund në ndeshjet e Champions Leagues këtë sezon.

Pasi e shpëtoi në dy të kaluarat ndaj Villarrealit e Atalantës, portugezi sonte e shpëtoi Unitedin edhe në ndeshjen kthyese ndaj Atalantës. Kjo ndeshje në fund përfundoi 2-2, e fitoren vendasve ia mohoi pikërisht Ronaldo.

Ndeshja filloi mirë për Unitedin, që rrezikoi duke e goditur shtyllën rreth minutës së 5’ përmes goditjes së McTominay, mirëpo ishin vendasit ata që shënuan të parët.

Për 1-0 të vendasve shënoi Ilicic, e më pas United barazoi në fundin e pjesës së parë me golin e Ronaldos. Ky i fundit u shërbye mjeshtërisht nga Bruno Fernandes.

Në pjesën e dytë, ishte Duvan Zapata ai që ia dha epërsinë përsëri italianëve, por krejt në fund të ndeshjes, në skenë doli përsëri Cristiano Ronaldo, i cili shënoi me të djathtën për 2-2 dhe ndeshja u mbyll me barazim.

Lajm i keq për Unitedin nga kjo ndeshje është lëndimi i Raphael Varane në pjesën e parë, që mund të jetë mungesë e madhe ndaj Cityt në ligë të shtunën, e në anën tjetër lajm i mirë për Atalantën është rikthimi i shqiptarit Berat Gjimshiti, i cili sot luajti përgjatë gjithë pjesës së dytë.

Ky barazim bën që United pas 4 ndeshjeve me 7 pikë të jetë në krye të Grupit F bashkë me Villarrealin, që gjithashtu ka 7. Atalanta në ndërkohë ka 5, e Young Boys mbesin në fund me 3.


 
Të gjitha lajmet nga Champions League