Inzaghi trajner i Shqipërisë?

Pas largimit të De Biasit, kanë filluar menjëherë spekulimet se kush do të jetë trajneri i ri i Kombëtares Shqiptare.

Një nga emrat e përfolur për marrjen e stolit është edhe Filippo Inzaghi, ish-sulmuesi i mirënjohur italian, i cili së fundi ka bërë përvojë si trajner te disa skuadra italiane, përfshirë këtu edhe Milanin.

Lajmin për interesimin e FSHF-së për Inzaghin e ka bërë të ditur edhe Gianluca Di Marzio, një nga gazetarët më të besueshëm në botë sa i përket transferimeve.

Zhvillime tjera nuk ka pasur ende, mirëpo duket se interesimi i FSHF-së për Inzaghin është i vërtetë.