Ish basketbollisti i Rahovecit, në Bahrein

Basketbollisti që mbrojti ngjyrat e Rahovecit sezonin e kaluar, Andre Washington, ka siguruar sezonin e ardhshëm duke nënshkruar kontratë me ekipin Al-hala të elitës së basketbollit në Bahrein.

Washington 26 vjeç dhe 216 centimetra i gjatë në sezonin e kaluar ka pasur 19 paraqitje për vreshtarët dhe ka arritur mesatare prej 9.8 pikëve, 7.9 kërcimeve dhe 2.2 bllokadave për ndeshje.

Rahoveci në stinorin e kaluar të Superligës shkroi historinë e klubit duke arritur finalen e Playoffit dhe duke arritur finalen e Kupës së Kosovës.

Vreshtarët në të dyja garat u mposhtën nga Prishtina në finale. Këtë verë rahovecianët do të debutojnë edhe në gara evropiane, duke qenë se garojnë në FIBA Europe Cup. Në fillim të muajit ata kanë marrë trajner kroatin e njohur në Kosovë, Neven Plantak.