VËLLAZNIMI - ISTOGU
Istogu dërgon ndeshjen në vazhdime, lideri tregon forcën në OT
25 March, 2022 @21:23
Lideri i Ligës së Parë, Vëllaznimi, në ndeshjen kundër Istogut, u “lëkund”, por nuk u “rrëzua”.
Skuadra gjakovare e mposhti kundërshtarin në vazhdime me rezultat 85-79.
Vëllaznimi ishte në epërsi prej 3 pikëshe në fund të ndeshjes, derisa në 4 sekonda para përfundit të ndeshjes, u faulua lojtari i Istogut, Dardan Maxharaj, në tentimin e tij për 3 pikë.
Dardani ishte i saktë në 3 tentimet e tij nga gjuajtja e lirë dhe ndeshje shkoi në vazhdime.
E në vazhdime Vëllaznimi duke shënuar 12 pikë e pësuar 6 sosh, arriti fitoren e radhës në Ligën e Parë.
Michael Green ishte koshashënuesi më i mirë me 22 pikë, derisa u dalluan edhe Besnik Azemi me 21 pikë e 10 kërcime, Atik Koshi me 17 pikë dhe Ujkan Karanezi me 14 pikë e 11 kërcime.
Në anën tjetër te Istogu Sam Taylor luajti me 22 pikë, 13 asistime e 8 kërcime, Andi Kabashi me 19 pikë dhe Dardan Maxharaj me 13 pikë.
Vëllaznimi ka një seri prej 17 fitoreve rresh në 17 ndeshje të zhvilluar, derisa Istogu me 10 fitore e 7 humbje gjendet në pozitën e tretë.
Në xhiron e fundit të stinorit të rregullt, Vëllaznimi takohet me Feronikelin, kurse Istogu me New Basket.
