FSHF NJOFTON
BOROZANI/ Lis Dorambari
Ka ende bileta për Shqipëri-Rumani në EURO 2016
18 March, 2016 @15:28
Federata Shqiptare e Futbollit (FSHF) si duket nuk ka arritur t’i shes të gjitha biletat për ndeshjen e fundit të fazës grupore të Shqipërisë në EURO 2016 ndaj Rumanisë.
Kështu, përmes një njoftimi në faqen zyrtare të saj FSHF ka bërë të ditur se adhuruesit e kombëtares mund të aplikojnë ende për bileta të ndeshjes Shqipëri - Rumani që do të zhvillohet në Lyon më 25 qershor.
Në faqen e UEFA-së ku bëhet blerja e biletave për ndeshjen me Rumaninë thuhet të kenë mbetur në shitje gati gjysma e biletave të kategorisë së parë dhe të dytë, që janë edhe më të shtrenjta, ndërsa ato të kategorisë së tretë dhe të katërt janë shitur në tërësi.
ORARI I NDESHJEVE NË EURO 2016
Ndeshja Shqipëria - Rumania është vendosur në listën e ndeshjeve me më së paku bileta të shitura në të gjitha ndeshjet e fazës grupore të EURO 2016. Ndërsa pas kësaj ndeshjeje është radhitur ndeshja Rusia - Sllovakia e Grupit B dhe Franca - Rumania, gjithashtu e Grupit A.
