GAME 3: CLIPPERS - WARRIORS
FOTO/ nba
Kampionat përmirësojnë gabimin
19 April, 2019 @11:14
Kampioni aktual i NBA-së, Golden State Warriors, pas humbjes në ndeshjen e dytë kundër Los Angeles Clippers, kësaj radhe nuk gabuan.
Warriorsat me dominim total që nga fillimi e deri në fund të ndeshjes, duke mos e lëshuar epërsinë asnjë moment, e mposhtën kundërshtarin me rezultat 105-132 në “Staples Center”.
Në këtë ndeshje ishte i pandalshëm super ylli Kevin Durant. Ai shkëlqeu me 38 pikë, 7 asistime e 4 kërcime, derisa u ndihmua edhe nga Stephen Curry me 21 pikë të tjera.
Te Clippersat më i dalluari ishte Ivica Zubac me 18 pikë e 15 kërcime.
Warriorsat kaluan 2-1 në epërsi në seri. Ndeshja e katërt do të luhet përsëri në “Staples Center” më 21 prill në ora 21:30.
