TREPÇA89-LLAPI
Kampioni feston me goleadë ndaj Llapit
14 May, 2017 @19:35
Trepça’89 ka treguar sot se pse është shpallë kampion.
Titullin e siguruar në xhiron e shkuar si mysafir në Pejë, futbollistët e drejtuar nga Zekirija Ramadani i shkëlqyer, e kanë luajtur si lojë jetike para publikut të vetë dhe kanë shënuar fitore 8-1 ndaj Llapit!
Nigeriani Oto John ka shënuar hat-trick, Florent Hasani çiftgolësh, ndërsa Arbër Potoku, Hasan Hyseni dhe Fiton Hajdari nga një në fitoren e festës para tifozëve.
Llapi shënoi pak para fundit të pjesës së parë për 2-1 (që doli të jetë goli i nderit), por pjesa e dytë ka qenë maestrale prej Trepçës’89 që ka fituar 8-1 në fund, duke mos ndalur lojën e bukur për të arkëtuar pikë të tjera në kryesim.
