Kampioni fiton me goleadë, Hajvalia vazhdon fundosjen

Në takimin hapës të xhiros së XXII në Superligën e Kosovës në futboll, skuadra e Feronikelit e ka mposhtur me rezultat të thellë 6-1 skuadrën e Hajvalisë.

Kampioni në fuqi i Kosovës forcën e tregoi qysh në fillim, me 2 golat e parë që u shënuan në minutat 17’ e 20’ përmes Mendurim Hotit e Yll Hoxhës. Hoti shënoi pas një gabimi në mbrojtjen mysafire, ndërsa Yll Hoxha golin e gjeti me një goditje nga afro 25 metra.

Dominimi i Feronikelit vazhdoi edhe më tutje dhe goli i tretë erdhi në fundin e pjesës së parë, moment në të cilin Mark Milicaj shënoi për 3-0.

Me ndeshjen që veç kishte përfunduar, Feronikeli 3 herë të tjera shënoi edhe në pjesën e dytë. Golat e pjesës së dytë u shënuan nga Abu Razard, Mark Milicaj dhe Fidan Gërbeshi. Ky i fundit golin e gjeti nga pika e bardhë, pasi me dorë në zonë luajti Sogojeva i mysafirëve.

Në anën tjetër, goli i nderit për skuadrën prishtinase u shënua nga Edison Kqiku përmes penalltisë në minutën e 56’ të takimit.

Kjo fitore e mban në luftë për titull Feronikelin dhe e afron me ‘89shin lider, kurse Hajvalinë e fundos edhe më tepër në fundin e tabelës.

TABELA AKTUALE SUPERLIGA