DRITA - FERRONIKELI, SOT
BOROZANI/D.S.
Kampioni në Gjilan
5 November, 2015 @9:22
Ndeshja përmbyllëse e xhiros së XIII të Superligës zhvillohet në Gjilan sot, ku takohen Drita me Ferronikelin.
Të dyja skuadrat vinë nga fitoret në këtë ndeshje. Drita mposhti Gjilanin në superderbi, ndërsa Ferronikeli mposhti Prishtinën.
Përballja e kaluar mes dy ekipeve kishte përfunduar me fitoren e kampionit, Ferronikeli, që kishte mposhtur Dritën në Rexhep Rexhepi me rezultat minimal 1-0.
Golin e vetëm dhe vendimtar në këtë ndeshje e kishte shënuar Mendurim Olluri.
TABELA AKTUALE DHE GOLASHËNUESIT
Ferronikeli ka të sigurt kreun e tabelës pa marrë parasysh rezultatin e ndeshjes, pas humbjes së Trepçës’89 dhe me një fitore mund të ngrit edhe më tepër distancën në krye.
E Drita, me fitore mund të dalë në mes të tabelës, derisa edhe humbja nuk e fut në zonën e rrezikshme këtë javë.
Ndeshja nis në ora 13:00 dhe transmetohet direkt në kanalin e Supersportit.
