Kapiteni mungon, pret rezultat nga shokët

Kapiteni i Lirisë, Robert Gjeraj, do të mungojë në ndeshjen e nesërme që ekipi i tij e zhvillon ndaj Besës në “Shahin Haxhiislami” të Pejës.

Mirëpo, Gjeraj beson se bashkëlojtarët e tij do të nxjerrin rezultat pozitiv në Pejë.

“Jemi në nivel të njejtë si ekipe, ndërsa si mysafirë në Pejë gjithmonë kemi luajtur mirë,” ka thënë fillimisht Gjeraj për Borozani.com.

“Besoj se ekipi i Besës do të jetë më shumë i koncentruar në gjysmëfinale të Kupës për ndeshje të kthimit dhe nevoja e madhe për pikë e Lirisë, më jep shpresa që ekipi të kthehet me rezultat pozitiv nga Peja,” ka thënë ai.

TABELA AKTUALE E SUPERLIGËS

Liria kishte nisur mirë pranverën në Superligë, duke e mposhtur Hajvalinë 4-2 si mysafir. Mirëpo, prej asaj dite deri më sot, ekipi nga Prizreni nuk ka shijuar fitore dhe tashmë është i rrezikuar për barazh!

Kapiteni i Lirisë, Robert Gjeraj, ka 5 kartonë të verdhë dhe është i suspenduar automatikisht për ndeshjen e radhës, ndaj Besës. Ai pritet të rikthehet në ekip, menjëherë, për ndeshjen që Liria e zhvillon si vendas ndaj Ferizajit në Prizren.