PAS NDESHJES NDAJ PESCARAS
Lëndohet Dybala, Allegri pa brenga
15 April, 2017 @18:36
Sulmuesi i Juventusit, Paulo Dybala, është dashur të zëvendësohet sot në fitoren e ekipit ndaj Pescarës për shkak të një lëndimit të pësuar në fushë.
Kjo ka frikësuar shumë juventinët, që janë para përballjes së radhës ndaj Barcelonës në Camp Nou.
Mirëpo, për këtë, Massimiliano Allegri, trajner i Juventusit, u ka hequr dilemat.
“Dybala do të jetë i gatshëm për 3-4 ditë. Nuk ka lëndim serioz,” - ka thënë trajneri italian pas ndeshjes së fituar sot.
Juventus i shkon Barcelonës në Camp Nou me 3 gola avantazh në çerekfinale të Ligës së Kampionëve, për të kërkuar gjysmëfinalen e garës.
