DERBY DELLA MADONINNA
Pa fitues në ‘Madonninen kineze’
15 April, 2017 @14:40
Me barazim është mbyllur ‘Madoninna’ e parë ndërmjet pronarëve kinezë. Pas zyrtarizimit që u bë dje, tashmë të dy ekipet e qytetit të modës kanë pronarë nga Kina, ndërsa dueli i parë mes tyre u mbyll pa fitues.
Ndeshja ishte tejet interesante, me mundësitë për gol që shfaqeshin në të dy cepat e fushës, mirëpo ishte Interi ai që u tregua ekip më cinik në pjesën e parë, duke shfrytëzuar në maksimum rastet e veta për gol dhe duke u mbrojtur mirë me një Handanovic të zakonshëm.
Në anën tjetër, Milani pati disa raste të mira për shënim, të cilat zakonisht vinin nga depërtimet nga krahu përmes këmbëshpejtit Deulofeu, mirëpo goli nuk erdhi deri në minutën e 83’ të takimit, moment në të cilin Romagnoli shënoi për 2-1. Kur u mendua se ndeshja kishte përfunduar, në skenë doli mbrojtësi Zapata, i cili shënoi në minutën e 7’ të kohës shtesë për 2-2, duke e shuar kështu gëzimin zikaltër dhe duka ia dhuruar një pikë skuadrës së tij, pikë e cila e mban Milanin mbi Interin në tabelë.
