Kërkojnë kthimin e Pejicit

Partizani i Tiranës duket se nuk do të ndalet me përforcime. Së fundi, ekipi është duke kërkuar që të rikthejë sulmuesin e njohur kroat në Shqipëri, Pero Pejic. 

Sipas Panorama Sport, Partizani i ka kërkuar ekipit iranian Esteghlal, që të huazojnë sulmuesin 33 vjeç, pasi që ky i fundit nuk është lojtar standard te ekipi i tij aktual. 

Pejic besohet të merr 20 mijë dollarë në muaj në Iran. E Partizani ka kërkuar huazim duke ia paguar 40% të rrogës lojtarit dhe pritet të shihet nëse iranianët do të pranojnë një ofertë të tillë. 

Pejic, së fundi ka luajtur për Kukësin në Kategorinë Superiore, ndërsa më parë ka qenë edhe pjesë e Skënderbeut e Flamurtarit.