KF Dukagjini me autobus të brenduar

Skuadra që këtë stinor iu kthye Superligës, KF Dukagjini, në vazhdën e zhvillimeve në klub së fundi ka bërë të ditur se kanë brenduar edhe autobusin e skuadrës.

“Klubi futbollistik Dukagjini, nga tani edhe zyrtarisht bëhet me autobusin e tyre të personalizuar! Ne vazhdën e organizimit për te krijuar kushte sa ma te mirë për futbollistët dhe shtabin teknik nga tani është siguruar edhe autobusi zyrtar i klubit, i personalizuar me logon dhe mbishkrimin “Dukagjini & Hithat”. Për një rrugë të mbarë dhe shumë udhëtime,” ka shkruar njoftimi i skuadrës.

Përndryshe, Dukagjini është në pozitë të tetë të renditjes tabelare në Superligë me katër pikë më shumë sesa pozita e fundit, që e mban Feronikeli aktualisht.

Në xhiron që vjen, Dukagjini do të udhëtojë në Prishtinë për përballjen e radhës, që luhet nesër.