TE MILAN
I kërkuari i radhës nga AC Milan, qendërmbrojtësi danez i Fenerbahçes, Simon Kjaer.
Kjaer vjen, pasi që të shkon dikush
6 July, 2017 @10:02
Milan nuk po e fsheh dëshirën dhe interesimin për mbrojtësin e Fenerbahçes, Simon Kjaer.
Mirëpo, ardhja e tij te rossonerët do të kushtojë, pasi që Fenerbahçe s’po lëshon pe shpejtë.
Në deklaratën e fundit, drejtori sportiv i Milanit, Massimo Mirabelli, ka thënë se janë duke e ndjekur lojtarin dhe të interesuar shumë për te, por së pari duhet mbledhin të holla nga shitja e ndonjërit prej lojtarëve ekzistues në skuadër.
Ndërkaq, mediat turke ditë më parë shkruajtën se si kundërvlerë për qendërmbrojtësin danez, Kjaer, kanarinat e Stambollit po kërkojnë dyshen e sulmit rossoner Carlos Bacca - M’baye Niang.
