Klopp i frustruar me tregun e janarit

Pas tri xhirove pa fitore në Premier League, gjermani Klopp ka pranuar kritika në lidhje me mostransferimin e asnjë lojtari në këtë afat kalimtar, veçanërisht në fazën e mbrojtjes.

Kritikave Klopp i është përgjigjur:

“Jam i frustruar me tregun e janarit pasi që është e vështirë të transferosh ndonjë lojtar. Nuk është se unë nuk po e dëshiroj këtë gjë, veçanërisht në njërin repart të skuadrës, mirëpo është pothuajse e pamundur.

Skuadrat nuk duan t’i largojnë lojtarët në mesin e sezonit pasi që zëvendësimi është i vështirë për t’u gjetur gjatë dimrit. Situata është e vështirë. Ne jemi të gatshëm të përforcohemi, mirëpo tregu është i vështirë dhe nuk kemi bërë asgjë në këtë aspekt.”