FFK
Konfirmohet takimi Blatter - FFK
3 November, 2014 @19:34
Takimi i shumëpritur, Blatter - FFK, do të realizohet brenda këtyre ditëve.
Sipas një njoftimi të lëshuar nga Federata e Futbollit të Kosovës, ky takim do të realizohet këtë të mërkurë në 10:30, ndërsa përveç krerëve të FFK-së, numrin një të futbollit botëror do ta takojë edhe ministri i Ministrisë për Kulturë, Rini dhe Sport, Memli Krasniqi.
“Ju njoftojmë se takimi që ishte paraparë të mbahet në maj në selinë e FIFA-s, ndërmjet presidentit të FIFA-s z. Sepp Blatter dhe ministrit të MKRS-së z. Memli Krasniqi, kryetari të FFK-së Fadil Vokrri dhe sekretarit të përgjithshëm z. Eroll Salihu, e që për shkak të agjendës së ngjeshur të z. Blatter, ishte shtyrë për një kohë tjetër, do të mbahet të mërkurën më 5 nëntor në orën 10.30. Kjo është konfirmuar sot, ndërsa krerët e FFK-së kanë udhëtuar për në Cyrih,” thuhet në njoftimin e FFK-së.
