MEDIA
Kosova - Gjermania, miqësore vitin tjetër?!
21 September, 2016 @8:39
Përfaqësuesja e Kosovës shumë shpejt mund të bëhet edhe më e njohur në botë, pasi që mund të aranzhojë një miqësore me kampionin aktual të botës, ka shkruar sot Koha Ditore.
Zyrtarë të FFK-së, të pyetur nga gazeta nuk e kanë mohuar këtë ide, ndërsa për shkak të lidhjeve të forta ndërmjet dy Federatave, një gjë e tillë nuk është edhe larg mendsh.
Miqësorja do të duhej të luhej në muajin mars të vitit 2017.
Për ndeshjen Kosova - Gjermania datat e lira janë nga FIFA prej 20 deri më 28 mars të vitit tjetër, por zyrtarë të FFK-së kanë bërë të ditur se përkundër bashkëpunimit të mirë, Gjermania ndeshjet i aranzhon vite më parë dhe do të jetë vështirë, por nëse ka hapësirë, pse jo.
