Kosova me 3 ndihmëstrajnerë!

Federata e Basketbollit të Kosovës (FBK) para pak çastesh ka bërë të ditur se pas emërimit të selektorit, Damir Mulaomerovic, ka emëruar edhe 3 ndihmëstrajnerët e përfaqësueses.

Bujar Loci, është ndihmëstrajner i parë i Mulaomerovicit, pas tij vjen Ilir Selmani dhe pastaj Andin Rashica. Ky i fundit ka qenë edhe më parë pjesë e përfaqësueses në këtë pozitë.

Sa i përket trajnerit kondicional, mbetet Ugur Vural nga Turqia.

Gjithashtu, FBK ka bërë të ditur se lista e lojtarëve që do të grumbullohen me Përfaqësuesen e Kosovës do të publikohet deri në fund të kësaj jave nga përzgjedhësi Damir Mulaomerovic dhe Drejtori i Përfaqësueses, Granit Rugova.

Kosova më 13 shtator pret Maqedoninë në përballjen e parë të fazës së dytë parakualifikuese për Eurobasket 2021.