FUTSALL
Kosova U19 deklason San Marinon në futsall
23 January, 2019 @10:27
Me sukses ka filluar kampanja kualifikuese drejt EURO2019 për Kosovën U19 në futsall.
Përfaqësuesja e Kosovës e ka mposhtur me rezultat të thellë San Marinon nikoqir të turneut me rezultat 2-11, për ta nisur me fitore rrethin kualifikues.
Golashënuesit e Kosovës në këtë përballje ishin Drilon Maxharraj (5), Rinor Dragusha (2), Blendi Bërbatovci, Albion Mataj, Armend Aliu dhe Michelotti (AG).
Ndeshjen e dytë Kosova U19 e zhvillon sot (23 janar) ndaj Suedisë, e cila dje u mposht nga Qipro me rezultat 6-1, me fillim nga ora 19:00.
