LLAPI - PRISHTINA
Krasniqi e Kryeziu kujdesen për fitoren e Prishtinës
25 November, 2020 @16:20
Skuadra e Prishtinës ka mposhtur Llapin me rezultat 0-2 [Endrit Krasniqi 75’, Leutrim Kryeziu 90+1’].
Në pjesën e parë, Llapi e kishte një mundësi të artë me Ahmed Januzin në minutën e 11’ nga pika e bardhë, por nuk arriti të shënojë ndaj ish-skuadrës së tij dhe kështu pjesa e parë u mbyll pa gola.
Në pjesën e dytë për fitoren e Prishtinës u kujdesën Endrit Krasniqi e Leutrim Kryeziu. Krasniqi shënoi në minutën e 75’ pas një asistimi të Leonit Abazit, derisa rezultatin e vulosi Leutrim Kryeziu në minutat shtesë të ndeshjes.
Kjo ishte fitorja e dytë rresht e Prishtinës, derisa me 21 pikë në total gjendet në pozitën e katërt, kurse Llapi e regjistroi humbjen e nëntë të sezonit dhe gjendet në pozitën e parafundit në Superligë.
Në xhiron tjetër Prishtina takohet me Besën, derisa Llapi me Drenicën.