FERONIKELI
Kthehet Zhdrella, Maliqi në pikëpyetje
24 November, 2016 @18:57
Përmes një njoftimi në faqen e Facebookut, klubi i Feronikelit ka njoftuar që i gatshëm për lojë tashmë është Mentor Zhdrella.
Zhdrella e Maliqi, që kishin munguar për shkak të lëndimeve në takimet ndaj Trepçës ‘89 dhe Ferizajit, nuk i kishin ndalur stërvitjet, ndërsa sot u njoftua që Zhdrella tashmë është i gatshëm për takimin e Feronikelit ndaj Prishtinës, që zhvillohet këtë fundjavë.
Sa i përket Behar Maliqit, paraqitja e tij ende mbetet në pikëpyetje.
Në anën tjetër, për shkak të lëndimeve ndaj Prishtinës do të mungojnë dyshja Qorri - Krasniqi, të cilët janë ende duke u rikuperuar.
