Kukësi në telashe para ndeshjes

Kampioni i Shqipërisë, Kukësi, është gjetur në telashe të mëdha këto dy ditët e fundit, raportojnë mediat shqiptare.

Ekspedita e kampionit të Shqipërisë gjendet edhe pak në Austri, ku me javë ka kryer stërvitjet parapërgatitore për ndeshjen e parë të raundit të dytë kualifikues të Ligës së Kampionëve.

Mirëpo, atyre, sipas Panorama Sport, i ka shkuar gjithçka ters. Së pari, disa lojtarë të ekipit janë ndalur nga policia austriake për tu marrë në pyetje, e sot, kur ekipi ka lëshuar hotelin dhe ka pritur fluturimin, është njoftuar se aeroplani për Molldavi, do të vonohet edhe dy orë tjera.

Kjo, përveç lodhjes fizike do të shkaktojë edhe lodhje psikike te ekipi kampion i Shqipërisë, që pasnesër do të zhvillojë duelin ndaj kampionit të Molldavisë, Sheriff Tiraspol.