Kur do të kthehet Gjeraj?

Futbollisti me përvojë i Lirisë, Robert Gjeraj, në duel me kapitenin e Dritës sot çau kokën dhe me ambulancë u dërgua për në spital. 

Me të dalë nga spitali, Borozani.com kontaktoi me lojtarin bardhezi, i cili tashmë ndjehet mirë, por ka pasur qepje në kokë. 

“Mjeku më ka dhënë së paku 9 ditë pauzë pas këtij lëndimi dhe besoj që në ndeshjen e ardhshme të Lirisë do të jem i gatshëm për lojë, pasi që do të kemi 10 ditë pushim prej sot,” ka thënë Gjeraj për Borozani.com. 

“Tash jam duke marrë terapinë që më ka dhënë mjeku ndërsa shpejt do t’ia nisi përgatitjet për ndeshjen e radhës,” ka shtuar ai. 

Liria mposhti Dritën sot 1-0 në Prizren me golin e Blendi Memajt, që u asistua nga Liridon Fetahaj. 

Në xhiron e radhës, Liria ndeshet me Hajvalinë.