KUQEZI
Cana e Lenjani nisen për në Shqipëri
20 March, 2016 @17:45
Menjëherë pas ndeshjes së djeshme që u luajt ndërmjet Lyonit dhe Nantes-it, dyshja shqiptare e ekipit Nantes, Lorik Cana dhe Ermir Lenjani, janë nisur drejt Shqipërisë për t’iu bashkuar ekipit kuqezi.
Megjithëse dy miqësoret e radhës Shqipëria do t’i zhvillojë jashtë vendit, fillimisht futbollistët kuqezi do të grumbullohen në Tiranë, për t’i zhvilluar disa seanca stërvitore në vend.
Përzgjedhësi i Shqipërisë, Gianni De Biasi, listën e të ftuarve do ta publikojë nesër.
Shqipëria këtë muaj do të takohet me Austrinë dhe Luksemburgun në kuadër të përgatitjeve për EURO 2016.
