Supergol nga Cikalleshi

Sokol Cikalleshi ka dëshmuar se gjendet në formë të mirë pak ditë para grumbullimit të kombëtares shqiptare për miqësoret e këtij muaji.

Sulmuesi kuqezi ka shënuar një gol të bukur me vollej, për barazimin 1-1 të skuadrës së tij, Istanbul Basaksehir, në përballje me Konyasporin e Alban Mehës. Ky i fundit gjithashtu kishte gisht në golin e skuadrës së tij, pasi goli i shënuar në minutën 6’ erdhi pas kornerit të ekzekutuar nga Meha. 

Cikalleshi në këtë ndeshje u inkuadrua në lojë nga minuta 62’, derisa golin e shënoi në minutën 89’, ndërsa Meha i cili ishte titullar në këtë takim, u zëvendësua në minutën 80’.