Myrta e Nuza sjellin fitoren e Vëllaznimit

Me ardhjen e trajnerit të ri në skuadër, Vëllaznimi ka shënuar fitoren e parë në pjesën pranverore të stinorit. 

Kjo ka qenë ndeshja e parë e Skender Shengylit si trajner te kuqezinjtë prej se u rikthye në Gjakovë, ndërsa Vëllaznimi ka mposhtur sot Fushë Kosovën në Gjakovë, 2-0. 

Në pjesën e parë epërsinë gjakovarëve ia dha Yll Myrta, ndërsa krejt në fund të ndeshjes për të vulosur rezultatin përfundimtar të ndeshjes u përkujdes Drilon Nuza, që shënoi për 2-0. 

TABELA AKTUALE

Me këtë fitore Vëllaznimi kërcen në pozitën e nëntë të klasifikimit, ndërsa Fushë Kosova mbetet e teta në tabelë. 

Në xhiron e radhës Vëllaznimi udhëton drejt Prishtinës për tu përballur me Ramiz Sadikun, ndërsa Fushë Kosova pret Ballkanin.