Juve pa probleme, Buffon thyen rekordin

​Ashtu siç edhe parashikohej, Juventusi ka fituar ndeshjen ndaj rivalit lokal Torinos pa shumë probleme. “Zonja e Vjetër” shënoi 2 herë në pjesën e parë dhe 2 herë në të dytën, për t’a mbyllur ndeshjen me 4 gola të shënuara. Autorët e golave ishin Pogba, Khedira dhe Morata (2). Ndërsa vendasit golin e nderit e shënuan përmes Belottit nga pika e bardhë.

Ajo që pati rëndësi mediatike në këtë ndeshje ishte rekordi i thyer nga portieri Gianluiggi Buffon, i cili arriti të thyente rekordin e Sebastiano Rossit për më shumë minuta të kaluara pa pranuar gol në Serie A. Rekordi i ri u vendos nga Buffon sot dhe u ndal në 974 minuta pa pranuar gol, pas golit të pësuar në fillim të pjesës së dytë.

Skuadra e Allegrit u detyrua t’a mbyllte ndeshjen me 10 lojtarë, pas përjashtimit të Khediras në fund të takimit, mirëpo kjo nuk pati ndonjë ndikim në epilogun e ndeshjes.

Kjo fitore bën që Juventusi t’a forcojë kreun e Serie A, me Napolin që ndeshjen e xhiros e luan sonte.

TABELA AKTUALE SERIE A

Paul Pogba Goal HD - Torino 0-1 Juventus - 20… by Video-Sport