Lenjani në Francë!

Ermir Lenjani ka gjetur skuadrën e tij të re.

Futbollisti i krahut të majtë ka udhëtuar në Francë për t’i kaluar testet mjekësore para se të kompletojë transferimin te skuadra nga Ligue 1, Rennes, njoftojnë mediat e huaja dhe vendore.

Lenjani me skuadrën zvicerane, St. Gallen, ka pasur kontratë deri në fund të këtij stinori, ndërsa kohë më parë në një intervistë për emisionin Interaktiv në KTV kishte konfirmuar se do të largohej nga kjo skuadër në këtë afat kalimtar.

Futbollisti kuqezi kërkohej edhe nga skuadra të ndryshme të Bundesligës dhe Series A.