Gabbiandini kalon te Napoli

Napoli ka arritur të bind drejtuesit e Sampdorias për blerjen e sulmuesit të tyre më të mirë, Manolo Gabbiandini. 

Gabbiandini që shënoi 7 gola në 13 ndeshje të zhvilluara me Sampdorian në pjesën e parë të kampionatit italian, tashmë do të jetë pjesë e ekipit napolitan, kanë njoftuar mediat italiane sot. 

Sulmuesi i ri 23 vjeç pritet të bëhet partner i sulmit me argjentinasin Gonzalo Higuain te Napoli, ku këta të fundit kërkojnë një vend që dërgon për Ligë të Kampionëve. 

Football Italia ka bërë të ditur se Napoli ka paguar 13 milionë euro dëmshpërblim për lojtarin në fjalë, ndërsa përveç tij, ekipi i Rafa Benitezit ka zyrtarizuar edhe Ivan Strinicin nga Dnipro Dnipropetrovsk. 

Mbrojtësi kroat Strinic do të merr fanellën me numër 3, derisa sulmuesi italian atë me numër 23.