Liderja kthehet me pikë nga Peja

Besa dhe Hajvalia i ndanë pikët në përballjen ndërmjet tyre të luajtur në stadiumin Shahin Haxhiislami të Pejës.

Liderja e radhitjes tabelare në Superligë shënoi e para me anë të Genc Hamitit në pjesën e parë, që ishte edhe goli i vetëm i 45 minutëshit të parë.

Në pjesën e dytë vendasit u këndellën, me ç‘rast edhe e arritën golin e barazimit për të siguruar një pikë nga kjo ndeshje.

Hajvalia megjithëse në 3 ndeshjet e fundit nuk ka fituar, vazhdon të kryesojë në tabelë me 20 pikë, ndërsa Besa renditet e gjashta me 15 pikë të tubuara.

Rezultatet dhe tabela aktuale.