Llapi dhe Liria, sigurojnë Superligën

Një skuadër nga Podujeva dhe një tjetër nga Prizreni do t’i shtohen Superligës stinorin që vjen. 

Tashmë, kjo gjë është e sigurtë, pasi që Llapi fitoi dje, e Liria sot, për të arritur distancën me pikë, të pakapshme për kundërshtarët nën ‘ta në Ligë të Parë të Kosovës. 

Liria i kthehet Superligës pas dy stinorëve të kaluara në Ligë të Parë, 2013/14 dhe 2014/15. 

Llapi ka aktualisht 66 pikë, 14 më shumë sesa Gjilani në vend të tretë, derisa Liria ka aktualisht 61 pikë, 9 më shumë sesa Gjilani, që për tre xhirot e fundit u garanton atyre qetësi. 

E vetmja që mund të ndërrojë është kampioni i Ligës së Parë, pasi që Llapi ka 5 pikë më shumë se Liria duke hyrë në 3 xhirot e fundit. 

Dy skuadrat e para të Ligës së Parë kualifikohen direkt në Superligë, derisa pozita e tretë dhe e katërt e Ligës së Parë luajnë ndeshje barazhi me ekipet e pozitës së nëntë dhe të dhjetë në Superligë për të përcaktuar dy skuadrat tjera që do të marrin pjesë në Superligën 2015/16. 

Llapi dhe Liria po kthehen në momentin e duhur në Superligë, pasi që pas takimeve të shumta, pritet që brenda këtij viti, ose në vitin tjetër, FFK të pranohet në UEFA. 

TABELA AKTUALE E LIGËS SË PARË