Të gjitha lajmet

REAGON KF LLAPI

Llapi reagon ndaj ndihmës së FFK-së

Llapi reagon ndaj ndihmës së FFK-së

10 April, 2020 @20:31

Skuadra e Llapit të Podujevës ka reaguar pas vendimit të FFK-së për ndarjen e ndihmës për pjesën më të madhe të punonjësve futbollistik në vend.

Llapi që ka mbetur në pozitën e gjashtë të renditjes tabelare para se të ndalet stinori për shkak të pandemisë coronavirus, në komunikatën e lëshuar ka shkruar se shuma s’mjafton as për pagesën e qirasë së lojtarëve e lëre më për paga mujore!

Në reagimin e nënshkruar në Facebook ka kryetari i klubit të Podujevës Beqir Batanina është thënë se janë të shqetësuar me këtë ndarje të pakos.

“Duke e ditur se në çfarë gjendje jemi dhe ndahen nga 350 euro për lojtarë, nuk e dimë se çfarë do të bëjmë ne për skuadrën e Llapit duke e ditur se është një pako që as shpenzimet e qirasë nuk i mbulon për lojtarët e tanë e lëre më për paga mujore.

Kërkojmë nga të gjitha klubet të jemi një zëri e të reagojmë sepse kjo shumë e të hollave është e pa pranueshme për klubet e Superligës duke e ditur se tash e 3 vite radhazi nuk na shpërndahen mjetet e solidaritetit të UEFA-s për klube të Superligës dhe Ligës së Parë, shuma e të cilave është 2 milon e 400 mijë euro, ndërsa kjo shumë e ndarë është sa për sy e faqe apo më mirë për të thënë në gjuhën popullore: hi syve!

Ky është turpi i radhës i atyre që e menaxhojnë në FFK, e cila tregon më së miri se sa mendojnë ata për të mirën e futbollit tonë.

Është për tu çuditur se si ndërtohen fusha sportive për klubet që nuk funksionojnë me djersën e investitorëve të klubeve të Superligës, kurse ne dëmtohemi dhe neglizhohemi nga ata që po e udhëheqin futbollin tonë.

Nuk po dëshirojmë ndihma nga FFK por vetëm mjetet që na takojnë, kurse mjetet e qeverisë të ndahen për klubet e Ligës së Parë, Ligës së Dytë e ligave tjera me radhë, kurse mjetet e UEFA-s në vlerë prej 2 milion e 400 mijë euro duhet t’iu ndahen klubeve të Superligës, jo tjera ndihma!” - thuhet në reagimin e KF Llapi.

Llapi që në tre stinorët e fundit me ngulm po kërkon daljen në gara evropiane, nuk e ka arritur atë ende.

Skuadra e kaltër nga Zahir Pajaziti është eliminuar nga garat e Kupës së Kosovës që çojnë në gara evropiane dhe tashmë rrugëdalje e vetme e skuadrës për arenë ndërkombëtare i ka mbetur Superliga.

Llapi është i gjashti në renditje me 34 pikë, 9 më pak se Drita që është e dyta në renditje - në pozitën që siguron garat evropiane.

Si i ndau mjetet FFK-ja?

IN MEMORIAM

Një vit pa doajenin e referimit

10 April, 2020 @20:06

Në datën e sotme, një vit më parë, nga jeta u nda Shinasi Berisha, një prej referëve më me…

DERDHET NDIHMA NGA FFK-ja

FFK-ja cakton ndihmat, prej €50 deri në €350 për person

10 April, 2020 @19:05

Federata e Futbollit të Kosovës (FFK) me pretendimin se buxheti i ndihmës së ndarë nga Qeveria e Kosovës nuk është…

STINORI 1999/2000

Tabelat përfundimtare 1999/2000 të Ligave të Dyta të Kosovës

Foto nga arkivi i Brahim Vojvodës, sulmuesit të KF Drenica

6 April, 2020 @14:58

Ishte sezoni i parë i pasluftës në Ligë të Dytë të Kosovës, që në fakt ishin dy. Liga e Dytë…

TOP 10

Laureatët e vitit 2000 nga FFK

6 April, 2020 @0:12

Në stinorin e parë të pasluftës në Kosovë dhe pas shpalljes së Prishtinës kampione të Kosovës, e Gjilanit fitues të…

TOP GOLASHËNUESIT 1999/2000

Golashënuesit më të mirë të stinorit 1999/2000

5 April, 2020 @23:46

Në sezonin në të cilin Prishtina u bë kampione e parë e pasluftës në Kosovë, kujtojmë edhe listën e golashënuesve…

Të gjitha lajmet nga FFK Superliga