Llapi rifillon furishëm

Superliga e Kosovës në futboll, ka rifilluar në mënyrën më të mirë.

Në ndeshjen hapëse të xhros së 23, pas pandemisë, Llapi e mposhti bindshëm Dukagjinin me rezultat 4-1 [Elvis Prençi 3, Kastriot Selmani 48, Erlis Ymeri 68, Valmir Veliu 90 - Erblind Mulaj 51].

Llapi e gjeti golin herët në minutën e 3’, pas një harkimi në zonë, Mentor Zhdrella asistoi me kokë mbrojtësit Elvis Prençi, që shënoi pa problem.

Skuadra nga Podujeva, në minutën e 12 ishte shumë afër ta dyfishoj rezultatin me Mërgim Pefqelin, por shtylla e shpëtoi Dukagjinin dhe kështu u mbyll pjesa e parë.

Me të filluar pjesa e dytë, Kastriot Selmani shënoi me kokë në minutën e 48’, pas një asistimi të bukur të Valmir Veliut.

Nuk u vonua goli i Dukagjinit, 3 minuta më vonë shënoi Erblind Mulaj, kurse Llapi e ngriti epërsinë përsëri në minutën e 68’ me zëvendësuesin Erlis Ymeri, i cili shënoi me
kokë pas asistimit të Alban Shabanit.

Rezultatin e vulosi Valmir Veliu, që e zbukuroi lojën e tij me një gol jashtë zonës së portierit Altik Muhaxhiri, për 4-1.

Llapi me 37 pikë aktualisht gjendet në pozitën e pestë, 7 pikë më pak se lideri Ballkani, kurse Dukagjini me 10 pikë gjendet në fund të tabelës.

Në xhiron tjetër Llapi takohet me Drenicën, derisa Dukagjini me Feronikelin.